kailangan ko ng pamalit sa huling entry ko, matagal na kasing tapos ang kaarawan ko e. ang mga sumusunod na tanong ay base sa mga balitang napanood ko sa TV at nabasa sa dyaryo ukol sa nangyayari sa ating bansa. (lalabas din kung gaano kakaunti ang mga nalalaman ko ) ito'y mga katanungan lamang. kung mayroon kayong maisasagot, i-comment nyo lang, dagdag kaalaman din ito para sakin. pero malamang tutungo ito sa mas marami pang katanungan.

1. gaano katotoo ang 'katotohanang' pinagsasabi ni Lozada? bakit pawang mas pinapahalagahan niya ang pagkuha ng simpatya ng mga pilipino kaysa pagkakaroon ng matinding conviction sa mga sinasabi niya?

2. ano ang makakapagpatumba kay arroyo? isa nanaman bang gasgas na people power?

3. paulit-ulit na pagra-rally na nga lang ba ang natitirang paraan para 'ayusin' ang mga gusot sa gobyerno?

4. snap election ba ang pinaka-epektibong paraan para bumalik ang tiwala ng taong bayan sa gobyerno? sadya bang wala nang magatitiwala sa papalapit na 2010 presidential elections?

5. bakit kailangan pa ni Lozada na magschool-tour sa buong bansa? ang 'katotohanan' ba ay kailangan pang iparada? bakit nga ba hindi pa naidadala sa korte ang 'katotohanang' ito?

6. bakit kapag tumanggi ang isang obispo na mag-alay ng misa para kay Lozada, babansagan na kaagad itong Pro-GMA, nasuhulan ng administrasyon, o nabahiran na ng pulitika at kulang na lang sabihin na nilabag nya ang Diyos? pamumulitika rin bang matatawag ang mismong pag-alay ng misa para kay Lozada?

7. bakit nga ba kailangan pang ipagmisa si Lozada? tanong ng apo (o anak, di ko sigurado) ni Abalos, bakit kailangan iutos ng simbahan kung sino dapat ang ipanalangin ng mga tao?

8. bakit kailangan pang ideklara ni Lozada na nasisira ang pamilya nya dahil sa ZTE-NBN deal kung saang hindi nakapasok sa honors ang kanyang mga anak? ano naman kaya ang naging kalagayan ng mga estudyanteng kamag-anak nina Abalos, atbp., nakapasok din kaya sila sa honors?

9. pawang nauulit ang kasaysayan. hahayaan lang ba natin maulit ito, pawang formulas na 'tried-and-tested'? o gagamitin natin ito para mapag-isipan kung ano ba talaga ang dapat gawin ng bawat pilipino?

10. bakit nakakainis ang mukha ni Lozada pag nagpapaliwanag siya o kaya tumatawa?

11. bakit hindi tumatangkad si GMA? parusa ba ito sa mga kasalanan niya? bakit parang wala nang ginawang tama si FG bukod sa pagbigay ng aktibong sexlife para sa kanyang asawa?

12. kung tatamaan ng kidlat ang mga kurakot sa gobyerno, sinu-sino pa kaya ang matitirang buhay?

12. mas maigi bang kalimutan na lang ang mga ito at mas pagtuunan ng pansin ang mga mas importanteng bagay tulad ng pagguhit at paglalaro ng videogames? (malapit na kasing ilabas yung english Persona 3:FES e ) hehehe